Er det geitemor som kjem på døra, eller er det kanskje den store skumle ulven?

Musikklinja på Stord vidaregåande skule er stolte av å kunne presentera teaterstykket «Ulven (og geitekillingane)» - av Tyra Tønnessen, Ragnar Olsen og Åsmund Flaten og Nordiska ApS. Stykket er inspirert av den velkjende klassikaren «Ulven og dei sju geitekillingane» av brørne Grimm.

I eventyret møter me geitemor og dei små geitekillingane hennar. Når mor må gå frå sine små, åtvarar ho dei om å passa seg for den skumle ulven. Spørsmålet som står att er berre; klarer geitekillingane å halda seg trygge når ulven dukkar opp?

Med musikk, song og dans tar me publikum med på eit spennande eventyr fylt med latter, kjærleik og moglegvis litt drama.

Dette er ei framsyning for både store og små, så ta gjerne med deg heile flokken heiamfrå!